Club Facebookna Oerang Soenda

Urang Sunda Hudang Euy!!!

Anjeun & Hiliwirna angin halodo

Posted by Dendi Rustandi dina Agustus 29, 2010


Anjeun

Anjeun…
Atrat natra sajatina
teu ngan ukur wujud raga
tapi nyata diaping ku sukma
sabar nyaah mapaes satia

Anjeun…
Najan langit angger angkeub…
najan peuting tetep mongkleng…
tetep pageuh nyepeng pasini
nu kagok enggeus ngajadi

Anjeun…
sajatina raga sukma
srangenge nu teu weleh mere harepan
teuneung ludeung nyukcruk udagan
geusan bekel hirup duaan

***
Hiliwirna angin halodo

Hiliwirna angin halodo
Nyambuangkeun seungitna kembang
kembang tresna nu meujeuh ligar
mangkak endah ngarandakah
dina hate urang duaan

Hiliwirna angin halodo
mawa asih tingtrim lirih
mepende sukma ngahudang rasa
rumasa deudeuh jiwa jeung raga
dina pasini kudu ngajadi

Hiliwirna angin halodo
nu nyingraykeun halimun peuting
nembrakeun endahna purnama
ngalagena mapaes jiwa
jangji ngahiji raga jeung sukma

kenging mulung ti sundablog.wordpress.com

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s

 
%d bloggers like this: