Club Facebookna Oerang Soenda

Urang Sunda Hudang Euy!!!

Ngaran Waktu dina Sapoe Sapeuting

Posted by Dendi Rustandi dina Maret 30, 2010


Dina sapoe sapeuting, di jaman modern ayeuna, mun nangtukeun waktu téh biasana mah osok make jam. Sedengkeun baheula mah nangtukeun waktu téh ku istilah. Jadi henteu ku waktu dina jam misalna jam hiji, atawa jam dua. Istilah-istilah ieu dipakéna téh dipatalikeun atawa dikait-kaitkeun jeung kaayaan panon poe, naha cahyana atawa tempatna.

Istilah-istilah anu remen dipake pikeun nuduhkeun atawa nangtukeun waktu téh diantarana waé nyaéta:

  1. Janari Leutik, nuduhkeun waktu kira-kira jam 02.00 – 03.00.
  2. Janari Gedé, nuduhkeun waktu kira-kira jam 03.00 – 04.00.
  3. Kongkorongok Hayam, nuduhkeun kana waktu disaradana hayam jago, biasana mah nuduhkeun kira-kira jam 04.00.
  4. Balébat, nuduhkeun waktu dina kaayaan cahya panon poé geus aya di belah wétan. Kira-kira jam 05.00.
  5. Carangcang Tihang, nuduhkeun waktu panon poé geus mucunghul ngan masih keneh remeng-remeng cahyana. Kira-kira jam 05.30.
  6. Haneut Moyan, nuduhkeun waktu cahya panon poe rada-rada haneut, ngeunah mun dipake moyan. Kira-kira jam 07.00 – 08.00.
  7. Rumangsang, nuduhkeun waktu mun panon poé geus karasa panasna. Kora-kira jam 09.00
  8. Pecat Sawed, nuduhkeun waktu lamun sapi atawa munding anu dipake ngawuluku di sawah geus dilaanan (dipecat atawa diudaran) sawedna. Kira-kira jam 10.00.
  9. Tengah Poé/Manceran/Mentrangan, nuduhkeun waktu panon poé keur aya di luhureun sirah, kalangkang ngahijieung suku. Kira-kira jam 12.00.
  10. Lingsir Ngulon, nuduhkeun waktu panon poé geus doyong atawa geus ngagésér ka lebah kulon. Kira-kira jam 13.00
  11. Panonpoé Satangtung, nuduhkeun waktu lamun kalangkang jalma geus sarua jeung jangkungna si eta jalma. Kira-kira jam 15.00.
  12. Tunggang Gunung, waktu panon poé geus aya di luhureun gunung. Kira-kira jam 16.00
  13. Sariak Layung, waktu anu nuduhkeun geus usumna hibar layung di belah kulon. Kira-kira jam 17.00.
  14. Sareupna, nuduhkeun waktu surupna panon poé. Mimitina parobahan beurang jadi peuting. Kira-kira atawa biasana mah jam 18.00.
  15. Harieum Beungeut, nuduhkeun waktu mun cahya panon poe geus ampir beak nepikeun ka beungeut oge rada susah ditempona. Kira-kira jam 19.00.
  16. Sareureuh Budak, nuduhkeun waktu dina eta waktu teh barudah mimiti sarare. Kira-kira jam 18.00.
  17. Sareureuh Kolot, nuduhkeun waktu yen dina waktu eta teh mimitna kolot sarare. Kira-kira jam 21.00 – 22.00.
  18. Tengah Peuting, nuduhkeun waktu kaayaan peuting anu sepi jempling rehe comrek. Biasana mah jam 00.00 (jam 12 peuting).

3 Balesan to “Ngaran Waktu dina Sapoe Sapeuting”

  1. ahmadsyam said

    Ngaran waktu-waktu eta teh asana mah disebut wanci, nya!! Wanci janari leutik, wanci carangcang tihang jsb. Aya henteu wanci meletek srangenge?

  2. pacamat said

    Punten dupi waktosna sareureuh budak teh leres tabuh 18.00?

  3. H Achmad Sukradarma said

    Beu, asa wararaas jaman kuring keur budak, kekecapan ieu remen dipake ku pun aki sareng pun nini, kieu cenah :
    “Barudak geura ngarampih geus sareupna,bisi aya sanekala!”
    “Dihaturan pageto di rorompok, sareureuh budak urang rempugan sual cai”
    “Geuning geus carangcang tihang.., tinggaleun berjama’ah dimasigit..”

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s

 
%d bloggers like this: