Club Facebookna Oerang Soenda

Urang Sunda Hudang Euy!!!

Diteunggeul Ngarah teu Nyeri

Posted by Dendi Rustandi dina Agustus 20, 2009


Hiji mangsa kacaritakeun aya hiji bapa nu karek datang ti pagawean, manehna di papag ku pamajikan jeung barudakna nu tilu nu arimut lucu, nya maklumlah bapana téh da balikna saminggu sakali ku sabab jarak pagawean jeung imah téh kacida jauhna, mun bulak balik beak w ku ongkos jeung waktu.
Isukna poenan weekend alias lalibur barudak téh, panon poe karek naek, ci ibun masih keneh saleger bapana geus ngadaweung dina korsi sabari nginum ci kopi ngabaturan pamajikanana nu geus pakupis beberes imah ti isuk keneh, manehna maca koran sabari ngajaga anakna nu pangbungsuna nu keur ngageubra sangges tadi ceurik hayang nginum. Nya pek torojol budakna nu ka dua, si pangais bungsu…budak téh lulungu keneh tuluy sare gogoleran dina korsi nu panjang bari nyubut “haus”, nya atuh bapana nyampeurkeun eta budak bari mawa nginum ci haneut terus diinumkeun.
Tuluy bapana diuk deui dina korsi bari nuluykeun hanca koran nu geus dibaca tadi, teu kungsi lila si pangais bungsu téh nyampeurkeun bapana, manehna nangtung ditukangeun tonggong bapana bari neunggeulan tak tak bapana…
“jang Odi, tong neunggeulan bapa”
jang Odi teu malire omongan bapana, manehna kalah terus nuluykeun nenggeulan taktak bapana
“Jang Odi, tong neunggeulan tak tak bapa atuh, nyeri!” bari ku nada nu rada heuras”
Jang Odi cicing sababaraha renghapan, tapi nuluykeun deui polahna nu matak pikakeuheuleun bapana
“Jang Odi!!!”
Bapana nyentak jang Odi da ku alatan geus beak kasabaran
Nya tuluy we jang Odi téh reuwas, manehna lumpat ka indungna sabari ceurik..”ibuuuuuuu” bari nyumput ditukangeun indungna da ku sieun tea ku bapana.
indungna tuluy malik bari ngomong ka jang Odi “teu kengeng kitu atuh jang, karunya bapana…nyerieun”
Bapana tuluy mangku jang Odi bari diolo da jang Odi barontak rek dipangku téh sabab sieuneun keneh.
Geus rada reup jempe, bapana nanya ka jang Odi…
“Naha tadi Ujang téh nenggeulan bapa?”
“ngarah teu nyeri” tembal eta budak lima taun téh sabari sisidueun
“haar ari Ujang sidik diteunggeulan kitumah bapa téh nyeri”
tapi da ku keukeuh jang Odi ngajawab ngarah teu nyeri bari dibareungan ku ceurik nu leuwih tarik
“kunaon atuh ibu ieu téh?”
indungan bingung…teu kungsi lila indungna seuri bari ngomong ka bapana
“oooh bapa, Jang Odi téh niatnamah hoyong ngarancetan Bapa, da ku ibu sok dipiwarang nenggelan taktak pami nuju nyareri téh, da ngarancetanmah tacan tiasaeun”
Nya nyurucud atuh langsung cimata bapana téh, manehna menta hampura ka anakna bari mangku eta budak
“hampura bapanya jang”.

Sakapeung niat hade budak sok tara dipiharti jeung teu hayang dipiharti kunu jadi indung bapana, nu antukna loba barudak nu matak jadi barontak…ku sabab kitu hiji hubungan bathin indung bapa jeung anak téh kudu dideukeutkeun ti keur leutik keneh, artikeun paripolah budak, lempeungkeun tong wara dicarekan tiheula.

2 Balesan to “Diteunggeul Ngarah teu Nyeri”

  1. novi said

    subhanalloh,geuning hayang miharti niat jalma teh kedah leres-leres supados teu papalingpang sareng kahayang jalma eta.

  2. dody said

    subhanalloh…ieu carita meni kacida saena.. tiasa janteun palajaran kanggo para ibu/rama..

    nuhun.

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s

 
%d bloggers like this: