Club Facebookna Oerang Soenda

Urang Sunda Hudang Euy!!!

Bobotoh Sholeh

Posted by Dendi Rustandi dina Agustus 13, 2009


bobotohJon Onyon anteng ngalamun mikiran Si Ujang anakna, dumeh kacerek ku pulisi alatan ngaruksak banda batur basa balik lalajo Persib ngalawan PSMS. Keur kitu aya nu pupuntenan, ana direret horeng aya mahluk anyar pinanggih ngaku ngaran Jimmy ti nagri Jin. Ngahaja cenah nepungan Jon Onyon dina lamunan.

“Saha tea salira teh?” Jon Onyon papariksa. “Kula teh Jimmy, ti Nagri Jin, pupuhu Bobotoh Soleh nu mikacinta pisan ka Persib Bandung!” “Kutan? nya nuhun atuh ditepangkeun. dupi pamaksadan?” “Suguhan heula atuh pan kudu dihormat tamu teh!” “Aeh…sumuhun. Punten, tagiwur manawi. Bade ngaleueut naon?” “Nya nginum cai, moal enya nginum oli!” “Numawi di Bandung teh ayeuna mah tos teu aya cai, saat koredas disedot Pabrik. Kalah ngarana we Cicadas, Cicaheum, Cimah, jeung ci sejena, tapi caina saat. punten we moal disuguhan cai!” Jon Onyom tamada.

“Heueuh ngerakeun pisan. Bae atuh ari euweuh mah. Kieu ieu teh Jon pangna uing nganjang kana panglamunan ente teh, kahiji silaturahmi, kaduana kami mere iber yen nu ngabobotohan Persib teh lain urang Bandung wungkul urang jin ge ngarojong malah boga beungkeutan bobotoh nu disebut Boseh, alias Bobotoh Soleh! Wartoskeun ka Pa Dada Rosada katut pamaen Persib jeung bobotohna!” “Insya Alloh!” tembal Jon Onyom ngaheueuhkeun. “Satuerusna kula teh aya katugenah ku naon para Bobotoh Persib nu tangtuna oge barudak Sunda nu kuduna sopan santun someah hade ka semah katigalina masi keneh aya nucan soleh jiga di nagri uing nu geus saroleh!” Jin Jimmy nyambung wangkongan. “Ah na da jadi bobotoh mah ukur kaulinan teu kudu mawa kasolehan!” JOn Onyom salha harti. Disangka serius teuing jadi bobotoh mengbal kudu jadi jelema soleh mah. “Ih geuning ente mah anggeur keneh belegug Nyon, kawas pulitikus buruk wae embung make agama geus we baruruk. Moal kapake pulitikus buruk jaman kiwari mah. Mengbal teh kudu make kasolehan, sangkan teu jadi kaulinan tapi jadi kanimatan batin. Ngartiiiiii???”Si Jin teh antukna nyentak, puguh we Jon Onyom ngompod. “Uing lain heureuy Jon, ieu mah geus sidik meunang 1-0 basa ngalawan PSMS, der ngaruksak keneh kaasup budak silaing Si Ujang nu kacerek ku pulisi. Cik atuh papatahan budak teh mun rek jadi bobotoh Persib kudu soleh ulah nyiuen lampah salah!” “Rumaos lepat, satadina Si Ujang teu keuheul pedah Alesandro Tobar najong bal siga ku siku, padahal lamun ku suku mah pasti asup asal we najongna tarik. Kaduana Si Ujang putus jeung kabogohna Si Euis, sabab ceuk Si Euis teh heug dikawin asal Persib kudu ngelehkeun PSMS 26-0, ari pek meunang nga ukur 1-0, puguh we Si Ujang teu rido, nya ngamuk!” tembal Jon Onyom ngabela anakna.

“Keuheul meunang, tapi ulah jeung nafsu. Uing ge salaku bobotoh fanatik Persib sarua keuheul, tapi teu meupeus keuyang, sabab bobotoh soleh mah diharomkeun ngalajur napsu ngumbar amarah teh. Pokona kudu bageur.” “Bageur kitu mah atuh moal rame,” gerentes hate Jon Onyon, samarukna teh teu kadengeeeun ku Si Jimmy. “Ngomng naon bieu?make nyebut lamun bageur moal rame, Yeuh, Jon geus meujuehna mengbal teh lain garah ramena wungkul, lain ukur hayang meunang, tapi kudu jadi atikan ka sakumna umat, yen hiji hasil bakal tikenanan lamun daek bajoang babarengan anu bener. Bal moal asup kusorangan ka jero gawang lamun teu ditajong!” “Duh jero pisan ningan palasipah mengbal Jimmy mah?” “Bobotoh Soleh te pikiraaeun. Nu matak calon bobotoh di uing mah saratna ge kahiji kudu bisa mengbal ngarah karasa kumaha cape jeung hesena ngasupkeun bal. Jadi moal ngalelece ka pamaen. Kadua kudu mibanda jiwa imtak, ku cara kitu moal ngaruksak banda batur. Lamun Persib meunang, buru-buru sujud syukur, lamun eleh sobar. Hormat ka bobotoh tamu teh wajib!”Ceuk Jimmy daria. “Tapi pan Jim, lamun Persib meunang terus mah matak sugema. Bonus keur pamaen bakal rongkah. Boa bobotoh ge engke mah dibonusan, sugan we atuh!’Ceuk Jon Onyon keukeuh Persib kudu meunang wae.

“Sugema ceuk napsu mah. Tapi ceuk akal sehat bakal pikayerieun Jon. Pek we pikir ku ente lamun Persib jagoan terus nepi ka Club Nasional Inggris diterkam 8-0, Walanda dilibas 11-0, Brazil dibantai 15-0, atuh angot meureun Thailand dikumahakeun mah eleh 200-0. Moal aya kleup sadunya nu daek ngalawan Persib da nyaho bakal eleh. saha nu daek mere bonus puluhan juta lamun Persib unggal maen cadu eleh?hartina Persib bakal ngiles ti dunya mengbal. Watir, Jon, Watir!” “Enya, nya. Ari atos kedah kumaha atuh?” “Heuheuh bejakeun ka Si Ujang anak Ilaing huhusna, umumna kabarudak bobotoh Persib, kudu saroleh. Ulah Sok Ngaruksak sabab ngaruksak mah matak rugi sararea. Bejakeun deuih Jon, ti bangsa Uing bakal mere bonus ka para bobotoh nu saroleh!”

“Wah, anu bener. Naon tah bonusna?” “Agnes Monica, kop penta ka indung bapana meungpeung can aya nu mileuleuheungkeun!”ceuk si Jin ngacapruk. “Jadol siaaaaaaah!”ceuk si Jon Onyon bari ngagaro buuk.

3 Balesan to “Bobotoh Sholeh”

  1. Rafi said

    Satuju kang jim

  2. Asepso... said

    Rada hese jadi bobotoh soleh teh…
    1. Loba keneh bobotoh nu lalajo di doping heula ku miras
    2. Bobotoh mun lalajo teh sok naringgalkeun sholat alesan sieun teu kabagian tiket jeung tmpt diuk

  3. kencana ungu said

    sae tah papatah srg papagah den Jmny teh. kuring ge salaku urang sunda anu nuju aya di manca nagara ngaraos prihatin ku laku lampahnna bobotoh persib, komo tah ku polahna si ujang putra kang jon onyom, manya masalah jeung ka bogoh di babawa kana nga gogotohan persib. hayu ah urang tembongkeun kasundanan teh dina saga widang, terutama dina widang2 anu kasorit ku urang luar sapertos dina jadi gogotoh persib….

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s

 
%d bloggers like this: