Club Facebookna Oerang Soenda

Urang Sunda Hudang Euy!!!

Milih Pipamajikaneun

Posted by Dendi Rustandi dina Agustus 12, 2009


pipamajikaneunDina hiji mangsa, kacaturkeun aya hiji jajaka gandang nu keur néangan pipamajikaneun. Manéhna ngumbara ka unggal lembur jeung dayeuh, ti gunung tepi ka laut, malah tepi ka leuweung sagala..

“Kusabab aing kasép, pamajikan ogé kudu geulis, kudu sampurna kageulisanana, sangkan turunan aing karasép jeung gareulis” pokna téh.

Singgetna, manéhna papanggih jeung hiji lalaki kolot nu ngabogaan 3 putri nu gareulis kawanti-wanti. Kulit hejo carulang, biwir ngagondéwa, gado endog sapotong, jeung saterusna…. jeung saterusna…

“Aki, nembé ayeuna kuring ningal istri2 anu sakitu gareulisna. Sim kuring téh nuju milari pibojoeun. Manawi diwidian, salah sahiji putri aki badé dijantenkeun istri ku abdi.”

“Aéh-aéh, kasép, sanajan tiluanana ogé mangga téh teuing, aki mah rido.”

“Ah, moal atuh ki, ageung teuing waragadna, oge bilih janten présédén awon engké pami diliput ku média infotainment.”

“Oh.. saé.. saé ari kitu mah!”

“Nanging, abdi téh bingung, kedah milih anu mana….”

“Teu kedah bingung kasép, mangga waé ditingali ti luhur satungtung rambut, ti handap sausap dampal. Nanging tengah2na mah teu kedah nya kasep, pamali!”

“Ah, teu kedah ditingal tengahna mah atuh ki, tos kabayang ieuh ku abdi ogénan.. héhé..”

Sanggeus dititénan…

“Aki, punten, si bungsu téh geuning gaduh cacat sakedik, saleresna mah teu katingal, nanging ari diperhatoskeun mah geuning éta cepil nu kénca langkung alit batan nu katuhu. Atuh nu nomer dua ogé ngagaduhan cacat sakedik, malah moal katingal, éta indung-sukuna geuning ageung sapalih.”

“Dupi si cikal kumaha adén?”

Perfect!”

“Tos yakin, Kasép?”

Absolutely!”

“Mangga atuh ari kitu mah…”

Singget carita, manéhna kawin jeung si cikal. Kacida bagjana manéhna ahirna bisa meunangkeun pamajikan nu geulis tur sampurna. Sababaraha bulan ti harita, pamajikanana ngalahirkeun, orokna lalaki, keur hideung teh, goreng patut deuih..

Manéhna bingung, tuluy tatanya ka si aki naha bisa kajadian bapana kasép indungna geulis, tapi anakna goréng patut kitu.

Si aki ngajawab,

“Sabenerna si cikal téh boga cacat saeutik, malah teu katingali.”

“Naon tea ki?”

“Harita manéhna téh geus kaburu reuneuh…”

6 Balesan to “Milih Pipamajikaneun”

  1. nurjaman said

    nyaan….. cindek pisan yen kolot mah loba akalna…

  2. kencana ungu said

    palah pilih kanu leuwih koceplak teh kanu tos reuneuh nya. karunya teuing….

  3. Sopar said

    hahaha….

  4. si akang said

    ha ha ha …..kaubaran lah keur sono tehhh

  5. bank herdi said

    aduh ieu mah si aki meni lenger kitu, eta jajaka nepi ka di bohongan kitu.
    tapi ieu carita lucu pisan, tapi dibalik kalucuan eta teh aya hikmah anu tiasa ku urang sadayana di candak.
    Ok, semoga FOS Club tetep jaya,makin giat berkarya,,,,
    We support…….
    (hapunten bahasana teu sunda sadayana)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s

 
%d bloggers like this: